منتدى منارة الاخلاق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى منارة الاخلاق

 
الرئيسيةأحدث الصورالتسجيلدخول

 

 لوعندك عزومة ومحتارة تعملى اية ادخلى بسرعة

اذهب الى الأسفل 
كاتب الموضوعرسالة
توتااا
المدير العام
المدير العام
توتااا


عدد المساهمات : 273
تاريخ التسجيل : 07/03/2010

لوعندك عزومة ومحتارة تعملى اية ادخلى بسرعة Empty
مُساهمةموضوع: لوعندك عزومة ومحتارة تعملى اية ادخلى بسرعة   لوعندك عزومة ومحتارة تعملى اية ادخلى بسرعة I_icon_minitimeالإثنين مارس 08, 2010 6:02 pm

نبد ببسم الله الرحمن الرحيم


الوقت هاقلكم على كذا ملحوظه ناخد بالنا منها

بصى يا حبيبتى بصفة عامة لازم تكونى عاملة من كل نوع صنف ده في الاول
يعنى ايه
يعنى النشويات يكون في منها صنف
والخضار صنف
والسلطة صنف
والشوربة صنف
واللحوم صنف
ده الكلام ده لو حتى ما فيش عزومة يعنى في يومك العادي علشان يبقي الاكل صحي علي الاقل
معايا لحد كدة
علش هذا الاساس بقي لازم تعملي حسابك لما يبقي عندك افراد زيادة او عزومات
تلعبى علي نفس الخطة دي بس تزودى في المقادير والكميات وتعملي من كل صنف نوعين
انا شخصيا لما يبقي عندى ضيف بطبخ نوعين خضار مثلا
ونوعين لحوم مثلا
ونوعين نواشف
خللي بالك ده مش علشان الزيادة بس ده كمان علشان الضيف لو مش بيحب حاجة ياكل التانية

برده ملاحظه تانيه كانت قالتهالى اخت هنا


1- لما تعملي عزومة مافيش دايى للافتكاسات يعنى الاختراعات بالعكس اعملي الحاجات العادية التقليدية المجربة (بصراحة كمان علشان ما تحرجيش الضيف افرض عملتيله سلطة مايونيز بالشامبينيوه وطلع يا حبة عينى ما يعرفش غير المحشى بتاع امه يبقي كدة احرجتيه ولا لأ ) ايه رأيك وعلشانك انتى برضه افرضي باظت منك لا قدر الله


2- اعملي الحاجات اللي سهلة في التقديم والغرف والاكل يعنى كل ما تعملى حاجة تتاكل بالايد او الملعقة اقصي حاجة (شفتى اقصى حاجة الملعقة ) يبقي احسن علشان مش هايسرك قوى منظر ضيوفك وهما محتارين ومكسوفين مش عارفين يغرفوا حاجة او ياكلوها

3- الحلويات برده ابعدى عن الكريمات والملزقات (يعنى الحاجات اللي بتبوظ ايد الواحد بسرعة ) والمدلعات فاهمانى طبعا (برده علشان وعلشان ما تتعبيش في التقديم للناس)

4- العصاير خليها حاجة اساسية علشان الواحد بيحب يشرب حاجة بعد الاكل
وخليها برده حاجة تقليدية ومعروفة

اساسيات
لازم طبعا تقديم شوربه سلطات مخللات عشان لو نسيت حاجه وطبعا الخبز وعصاير وحاجه حلوه




نقول اول عزومه

بفتيك وفراخ محمره صينيه رقاق باللحم
مكرونه بيض استكلندى
شوربه لسان عصفور
سلطات(خضره -زبادى-طحينه)
بطاطس شيبس
ومخلل
الحلو كوكتيل





تانى عزومه

ارز معمر بالفرن
فراخ بالفرن
تورلى لحم وخضار
جلاش باللحم المفروم
وسمبلوسه بالخضار والجبن وشوربه لسان العصفور والسلطات والمخللات





ثالث قائمه

شيش طاووك او فراخ بانيه
لحم مسلوق ومحمر وشوربه خضار
صينيه كوسه بالبشاميل
سمبوسه او بيف باسترى محشى الى يعجبك
وطبعا السلطات والمخللات
والحلو جلى بالفواكه





رابع قائمه

كفته لحم يا مشويه يا محمره

صينيه فراخ بالبطاطس
مكرونه بالصلصه ممكن كمان باللحم المفرووم
شوربه عدس وممكن تقطعى الخبز وتحمصيه ويقدم معاه
والسلطات والمخللاتوطبعا عصاير والحلو انا بفضله خفيف كوكتيل جيلى بالفواكه مثلا






عزومه اخرى
السلطات
سلطة خضرا + وبابا غنوج +وسلطة فاصوليا او بطاطس

المقبلات
سمبوسة باللحمة المفرومة والسبانخ

الشوربة
شوربة خضار
الاطباق الرئيسية

كفتة
فراخ في الفرن
لحمة كباب حلة

الخضار
بامية او اي صنف خضار

الاطباق الجانبية
محشى كوسة او مشكل +جلاش باللحمة المفرومة

ارز طبعا طالما فيه خضار مطبوخ


الحلو :اي كيكة او تشيز كيك +فروت سلاط او كوكتيل

العصاير (مافيش احسن من عصير البرتقال دايما طازة وحلو وممكن عصير فراولة)






ده بقى حاجه اسبيشيال موش لاى حد
منيو ابن بلد
السلطات:
سلطة خضرا +باذنجان مخلل + سلطة زبادي

الاطباق الرئيسية :
ممبار
فتة كوارع
طحال
مخ


الاطباق الجانبية

محشى ورق عنب


الشوربات :
شوربة خضار

العصائر :
عصير برتقال

الحلو :
مهلبية او ارز باللبن

فواكه
الرجوع الى أعلى الصفحة اذهب الى الأسفل
 
لوعندك عزومة ومحتارة تعملى اية ادخلى بسرعة
الرجوع الى أعلى الصفحة 
صفحة 1 من اصل 1
 مواضيع مماثلة
-
» لوعندك عزومة ومحتارة تعملى اية ادخلى بسرعة
» عندك مناسبة او فرح ادخلى واتفرجى
» شوية اكلات تماااااااااااام ادخلى ومش هتندمى
» عايزة تعالجى الاكتئاب تعالى معايا بسرعة

صلاحيات هذا المنتدى:لاتستطيع الرد على المواضيع في هذا المنتدى
منتدى منارة الاخلاق :: منتدى دنيا الجمال والمراءه  :: منتدى فنون الطبخ-
انتقل الى: