سمبوسك بالجبن

يالا بأه بسم الله

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

لفة سمبوسك

(النوع المفضل بتاعكم)

ربع كيلو جبن رومي مبشرور

(اشتروه قطعة علي بعضها و بعدين ابشروه)

علبة جبن مثلثات

(نوع يكون طري زي لافاشكيري و لا حلايب)

نصف علبة قشطة

و نبشُر الجبنة الرومي ونحط عليه الجبن المثلثات و القشطة

و نقلب مع بعض بشوكة حتي يصبح خليط طري كده ناعم من القشطة

لو احتاجت قشطة تاني نزود

في اضافة كمان لو تحبوا

نحط قطع بسطرمة للي بيحبها
بس طبعا ننظفها من الثوم اللي في الاطراف
و شوحها في طاسة علي النار لحد ما تبقي مقرمشة

و نضيفها للخليط

بس كده و نحشي بيه السمبوسك بالطريقة المعتادة
الحشوة ديه بتخلي الجبن الرومي تذوب و تمط معنا و احنا بناكلها

طيب لو السمبوسك نوعه مش اوي
و مش بيقفل نعمل ايه

نعمل محلول من ملعقة دقيق علي ملعقة ماية حاجة كده اخف من العجين و نستخدمها كصمغ نقفل بيه

و نحمر عادي

بس في ملحوظة و احنا بنحمر

طبعا اكيد بنحب السمبوسك يكون مقرمش كده

و انت بتقلبي علي النار بالكبشة المخرمة الكبيرة

قلبي و ارفعي السمبوسك من النار

زي الراجل بتاع الطعمية كده

علشان الهوا يدخل و يخليها مقرمشة

ييييمي
فكرتوني بطعمه

يالا بالهنا و الشفا

مع تحياتى

توتااااااااا

[img][ندعوك للتسجيل في المنتدى أو التعريف بنفسك لمعاينة هذا الرابط][/img]