الكيكة الرخامية

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

الكيكة الرخامية

المرة ديه الدور علي صنف حلو
[img][ندعوك للتسجيل في المنتدى أو التعريف بنفسك لمعاينة هذا الرابط][/img]

marble cake
هيه اسمها كيكة رخامية علشان شكلها بيكون عامل زي نقشة الرخام

نبدأ بأه في المقادير
3\4 كوب زبدة
كوب و نصف سكر بودرة
5 بيضات كبيرة
2 كيس فانيليا
(ممكن الاكتفاء بكيس واحد بس انا مابحبش احس ان فيه بيض خااااالص)
كوبين و نصف دقيق منخول
كيس بيكنج باودر
كوب لبن
ملعقتين كبار كاكاو
رشة بسييييطة ملح

ندخل بأه علي الطريقة
بالمضرب الكهربائي او بالكيتشن ماشين

نضرب الزبدة لحد ما تصل لقوام كريمي
و بعدين نحط السكر البودرة كله

و نضرب تاني لحد ما يرجعلنا القوام الكريمي تاني
و نحط البيض بيضة ورا بيضة

و مع اخر بيضة نحط الفانيليا
و بعدين نحط الدقيق علي البيكنج باودر و رشة الملح علي بعض و نحطهم علي خليط البيض بتاعنا
و بعد خليط الدقيق ما يختفي تماما

نحط كوب اللبن
و بعدين نقسم خليط العجين ثلث و ثلثين
الثلث هنحط عليه الكاكاو و نقلب كويس جدا لحد ما يختفي و يتجانس تماما
و الثلثين هنخليه زي ما هو
نجيب صينية الكيك و نبطنها بالزبدة و الدقيق

و بعدين نفرش القعر بتاع الصينية بطبقة من خليط الفانيليا

و فوقيها نحط خط دائري من خليط الكاكاو

و عليه فانيليا تاني

و هكذا لحد ما ينتهي الخليط

لازم نراعي ان القعر فانيليا و الوش برضه فانيليا علشان نعرف نشوف الكيكة
الكلام ده لو هنعمل الكيكة في صينية مفتوحة من الوسط
[img][ندعوك للتسجيل في المنتدى أو التعريف بنفسك لمعاينة هذا الرابط][/img]

طيب لو هنهمل في صينة عادية

يبقي الخليط هيتقسم نصفين
(مش ثلث و ثلثين)

و نص هيكون فانيليا و النصف الثاني نحط عليه الكاكاو
و نبطن الصينية عادي

وبعدين بكبشة صغيرة نحط في وسط الصينية من خليط الفانيليا

و فوقيهم نحط كبشة من الكاكاو برضه في النصف

و نفضل نحط كبشة فانيليا و اخري كاكاو في نصف الصينية بالضبط و فوق بعضه لغاية ما يخلص العجين كله
و هتطلع نتيجتها بالشكل ده

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

و ممكن طبعا نعملها في صينية الكب كيك علشان لو هنديها للاولاد في المدرسة

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

و ده شكلها لو هنحطها في قالب الكيك المستطيل

[ندعوك للتسجيل في المنتدى أو التعريف بنفسك لمعاينة هذا الرابط]

و كده خلاص

نحطها في فرن متوسط الحرارة

في الرف اللي تحت
مدة من 30 ل35 دقيقة
(علي حسب الفرن بتاعك)

و لما تخرج نسيب وجهها يبرد 5 دقائق

و بعدين نقلبها علي منخل سلك علشان تتهوى كلها

و بالهنا و الشفا
مع تحياتى
توتاااااا

[img][ندعوك للتسجيل في المنتدى أو التعريف بنفسك لمعاينة هذا الرابط][/img]