ازاى تخلى خطيبك ينتحر

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

ازاى تخلى خطيبك ينتحر؟

أحمد" بيحب "هاجر" وهي كمان بتحبه قوي.. بس الحوار ليه اللي بيحبوا بعض اليومين دول بقي مختلف قوي.. تعالوا نشوف المشاكل بتحصل إزاي وإيه اللي يخلي الدنيا تبوظ:
موسيقي تصويرية شعبان عبدالرحيم انا بكره إسرائيل وبحب عمرو موسي؟
هاجروأحمد واقفين في عز الضهر علي الكوبري
هاجر: "برومانسية" شايف النجوم يا أحمد
أحمد: نجوم ايه بس في عز الضهر دا أنا الشمس حرقت افايا
هاجر: الله ياأحمد بص السحابة اللي هناك دي اللي عليها العصافير
أحمد: لا والله ياحبيبتي أنا مش شايفها بس شايف دخان عربيات خنقني
هاجر: يووووووووووووه يا أحمد خليك رومانسي شوية
أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت
هاجر: انت مش بتحبني والا ايه
أحمد: ياستي بحبك
هاجر: لأ انت كذاب انت مش بتحبني
أحمد: يعني أولع في نفسي بجاز عشان تصدقي اني بحبك
هاجر: "والدموع علي خدها" لا يا أحمد أنت تغيرت خالص
أحمد: ياحبيبتي والله بحبك
هاجر: لأ يا أحمد متصلحش اللي أنت عملته
أحمد: وهو أنا كنت عملت إيه بس
هاجر: "تعيط" اهئ اهئ اهئ
أحمد: بتعيطي ليه دلوقت
هاجر: أحمد طلقني يا أحمد
أحمد: هو احنا لسة اتجوزنا عشان اطلقك
هاجر: يعني كمان مش عايز تطلقني
أحمد يشد في شعره: يادي الليلة السودا أنا ايه اللي خرجني بس
هاجر: كمان خليتها ليلة سودا.. يعني أنا اللي خرجتك غصب عنك
أحمد: ياستي مش قصدي. بصي أنا مش هرد عليكي عشان مانتخانقش
هاجر: للدرجادي قرفان مني
أحمد: "وشه يحمر من الغيظ" يعني انتي عايزة تتخانقي وخلاص
هاجر: يعني أنا نكدية يا أحمد
أحمد: لأ...... أنا
هاجر: انت بتاخدني علي اد عقلي
أحمد: حقك عليا وادي رأسك ابوسها
هاجر: ياسلام كده بكل بساطة
فجأة يقف أحمد علي سور الكوبري ويرمي نفسه في الميه
هاجر: تفتكر يا أحمد اني كده هسامحك

هههههههههههههههههههههه
مع تحياتى
توتااااااااا

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

صعب أن تحب شخصا لا يحبك
الأصعب أن تستمر في حبه رغم عدم إحساسه بك .

*صعب أن ينتهي الحب الصادق نتيجه لأمر تافه .
الأصعب أن يستمر الفراق لأن كل طرف ينتظر إشاره الرجوع من الآخر .

*صعب الوداع في الحب .
الأصعب أن ينتهي الحب دون كلمة وداع